Wrth wraidd esblygiad Menai Heating mae ymrwymiad cryf i greu cartrefi ynni-effeithlon, cyfforddus a chynaliadwy. Dechreuodd ein taith yn 2001 fel cwmni gwasanaethau plymio a gwresogi, ac mae’n dyst i’n hymroddiad i’n huchelgeisiau fel cwmni nawr.

Yn 2005, fe wnaethom fentro’n feiddgar i’r diwydiant ynni adnewyddadwy, gan arloesi gyda gosod systemau solar thermol a ffotofoltäig blaengar. Gwthiwyd y ffiniau ymhellach gennym yn 2009 drwy gyflwyno pympiau gwres o’r ddaear, pympiau gwres ffynhonnell aer, a boeleri biomas. Cyrhaeddodd ein hawydd  i arloesi uchelfannau newydd, pan ddaethom yn falch o fod y cwmni cyntaf i osod boeler biomas annomestig o dan y cynllun Cymhelliant Gwres Adnewyddadwy (RHI) yng Nghymru. Trwy'r cyllid RHI a'r Tariff Cyflenwi Trydan, rydym wedi grymuso cwsmeriaid di-rif i groesawu ynni glân, adnewyddadwy, gan arbed arian iddynt a chyfrannu at ddyfodol gwyrddach.

Mae ein taith wedi'i nodi gan ymrwymiad i aros ar y blaen. Roeddem yn gosod pympiau gwres a systemau solar cyn iddynt gael cydnabyddiaeth eang, neu ddod yn ddewisiadau amlwg yn y diwydiant preifat a chynllun Rhwymedigaeth Cwmnïau Ynni (ECO). Fe wnaethom gydnabod potensial aruthrol y technolegau hyn i drawsnewid y dirwedd ynni, ac mae ein hymroddiad i’w mabwysiadu wedi bod yn ddiwyro.

Yn 2015, fe wnaethom ddarganfod y cynllun Rhwymedigaeth Cwmnïau Ynni (ECO), gan danio cenhadaeth newydd i leihau tlodi tanwydd, lleihau allyriadau carbon, a chefnogi cartrefi bregus. Heddiw, rydym yn gweithredu fel dau endid gwahanol: mae un yn canolbwyntio'n bennaf ar ECO, gan gynnig ystod gynhwysfawr o fesurau a ariennir gan grantiau i godi cartrefi a bywydau, tra bod y llall yn arbenigo mewn gosodiadau preifat pympiau gwres a systemau solar.

Gyda dwy swyddfa ar Ynys Môn, tîm o 26 o staff ymroddedig, i gyd yn lleol i Ynys Môn a Gwynedd, a rhwydwaith o is-gontractwyr dibynadwy, mae ein presenoldeb wedi ehangu. Fodd bynnag, mae ein gweledigaeth yn parhau i fod yn gadarn. Rydym yn ymfalchïo’n fawr mewn partneriaeth â pherchnogion tai, tenantiaid, cynghorau, a landlordiaid, i gyd wedi’u hysgogi gan y nod cyffredin o wneud cartrefi’n gynhesach, yn fwy fforddiadwy ac yn iachach.